Agorwyd Neuadd y Ddinas ar 23 Hydref 1934 a chafodd ei hadeiladu’n wreiddiol i ddatrys problem diffyg lle difrifol yn y Neuadd y Ddinas flaenorol yn Somerset Place (sef Canolfan Dylan Thomas erbyn hyn). Fe’i codwyd ar adeg o ddirwasgiad eithafol a phan oedd y nifer uchaf erioed o bobl yn ddi-waith. Bu adeiladu’r neuadd yn help i liniaru’r problemau hyn.
Cafodd ei dyluniad a’i nodweddion unigryw eu hefelychu’n aml mewn adeiladau dinesig eraill dros y ddau ddegawd yn dilyn ei chwblhau, ac mae’r adeilad wedi bod yn ddefnyddiol yn ogystal ag yn ysblennydd o ran pensaernïaeth. Fel canolfan ddinesig, mae wedi bod yn ganolfan llywodraeth leol a chyfiawnder, mae’n ganolbwynt seremonïau dinesig, ac erbyn hyn mae’n un o brif ganolfannau bywyd cymdeithasol a diwylliannol Abertawe.
Mae Neuadd y Ddinas wedi gweld newidiadau ac estyniadau amrywiol, gyda phob un ohonynt yn aros yn ffyddlon i’w chymeriad gwreiddiol fel enghraifft o ‘ymagwedd glasurol i foderniaeth’. Fe’i hystyrir bellach yn adeilad hanesyddol yn ei rhinwedd ei hun, ac yn un y mae pobl Abertawe’n falch iawn ohono.
Brangwyn Hall Swansea – Spherical Image – RICOH THETA
This post is also available in: English (English)
